Kwamitin kungiyar Kwararrun magina sunyi zama na musamman.

Kwamitin kungiyar Kwararrun magina sunyi zama na musamman tare da mambobin kungiyar masu mu'amala da na'ura mai ƙwaƙwalwa da kuma sashen kimiyyar haɗa magunguna AKTA cafta, inda suka tattauna muhimman batutuwan wanda suka shafi matsaloli da ɓangarorin ke fuskanta, inda ɓangaren na'ura mai ƙwaƙwalwa suka bayyana cewa mambobin su basa halartar tarurrukan su wanda hakan ke kawo musu cibaya a harkokin su na yau da gobe musamman a jihar kano. 

Su ma ɓangaren sashen kimiyyar sun bayyana nasu matsalolin inda suka ce akwai abubuwan cigaba da suke ta faruwa amma ba'a saka su a ciki wanda hakan ke ci musu tuwo a ƙwarya.

a ƙarshe Eng. Rabiu Haruna wanda ya jagoranci zaman ya bayyanawa raihana.com.ng yadda suka baiwa wannan ɓangarori shawarwarin daya kamata tare da jan hankalin su na subi duk tsarin daya kamata ciki har da jan hankalin gwamnati.