Duk tsiyar da GANDUJE ya ciyo bayan zabe baza mu biya ba ~ Abba Kabir Yusuf

Zaɓaɓɓen gwamnan jihar Kano, Abba Kabir Yusuf ya shawarci hukumomi na gida da na waje da kada su baiwa gwamnatin Ganduje mai barin gado bashi ba tare da yardar shi zaɓaɓɓen gwamnan ba.

Abba Yusuf, a wata sanarwa da kakakinsa, Sanusi Bature Dawakin-Tofa ya fitar a yau Asabar ya ce duk hukuma ko ma’aikatar da ta baiwa gwamnatin Kano mai barin gado bashi daga ranar 18 ga watan Maris to ta ɗauki asara domin gwamnatin shi, idan an rantsar da ita, ba za ta biya bashin ba.

A tuna cewa a ranar Alhamis, zaɓaɓɓen gwamnan ya baiwa masu gine-gine a filayen gwamnati shawarar da su dakata.