Masu tunanin Tinibu zai mutu kafin rantsuwa, zasu nutse a ruwa kamar fir'auna ~ Femi Fani Kayode

Wani jigo a jam’iyyar APC, Femi Fani-Kayode, ya ce wadanda ke son zababben shugaban kasa, Bola Tinubu ya mutu kafin bikin rantsar da shi ranar 29 ga watan Mayu, zasu riga shi mutuwa

Da yake mayar da martani kan kiran a sauya ranar rantsar da shugaban kasa da Cardinal John Onaiyekan, tsohon Archbishop na Archdiocese na Abuja, Fani-Kayode ya yi, yace masu adawa da bikin nadin sarautar Tinubu za su halaka kamar Fir'auna a teku.

A shafinsa na Twitter, tsohon ministan harkokin jiragen sama yace za a rantsar da Tinubu a ranar 29 ga watan Mayu.

A cewar Fani-Kayode: “Al’ummar Najeriya sun yi magana, kuma makircin da Jihohi masu zurfi suka yi na hana Asiwaju Bola Ahmed Tinubu zama Shugaban kasa yaci tura tuntuni.“Mun wuce wannan matakin kuma ba za ku iya dakatar da jirgin kasa mai motsi ba.

“Waɗanda suka taurare zukatansu kuma suka ki yarda da nufin Allah da nasihar su bar Asiwaju da al’ummar Najeriya su tafi, kamar Fir’auna za su halaka a idanunmu.

“Wadanda ke cike da haushi, ƙiyayya, hassada, da fushi, waɗanda ke neman su bi mu zuwa cikin Bahar Maliya yayin da muke kan hanyarmu zuwa Ƙasar Alkawari, zata nutsar da su.

“Ko sun so ko basu so, in Allah ya yarda, za a rantsar da zababben shugaban ƙasa a ranar 29 ga watan Mayu kuma masu son ya mutu ko suke masa fatan rashin lafiya zasu ga kabari tun kafin lokacin su  yayi.

"Wannan shine aikin Ubangiji kuma ba abin mamaki ne a wurinmu ba." inji shi