Yanzu-Yanzu Tajuddeen Abbas daga mazabar Zaria ya zama kakakin majalisar wakilai ta ƙasa

Tajudeen Abbas dan majalisar wakilai mai wakiltar mazabar Zaria ya yi nasara a zaben shugaban majalisar wakilai a majalisa ta 10.

SIYASAR NIGERIA ta rawaito cewa ya doke Ahmed Idris Wase tsohon mataimakin kakakin majalisar wakilai ta tara da Aminu Sani Jaji.

Alhassan Ado-Doguwa, shugaban masu rinjaye na majalisar ya dauki matakin nada Tajudeen Abbas a matsayin shugaban majalisar wakilai ta 10. Nnolim Nnaji ne ya goyi bayan wannan kudiri.

Tajudeen Abbas ne aka fi so a jam’iyyar All Progressives Congress (APC), yayin da Ado-Doguwa da kansa ya janye daga takarar shugaban majalisar inda ya goyi bayan dan takarar jam’iyyar. 

Bugu da kari kuma, jam'iyyar mai mulki ta fitar da wanda zai tsaya takarar mataimakin shugaban majalisar a majalissar dokoki ta 10.Sai dai zaben nadin Abbas da APC ta yi ya fuskanci adawa daga ‘yan majalisar da dama ciki har da Idris Wase.