Waɗanda aka ceto ɗin sun fito ne daga garin Kontagora na jihar Neja da Danmari da Kaba da kuma Kajiji a jihar Zamfara da kuma Bena ta jihar Kebbi.
Jaridar Daily Trust ta ruwaito cewa shugaban karamar hukumar Danko Wasagu, Alhaji Useni Aliyu Bena ne ya bayyanawa manema labarai game da rahoton ceto mutanen.
Ya kuma yaba wa gwamnatin jihar kan yadda take aiki da jami’an tsaro, tare da ba su tallafi domin ganin an fatattaki ‘yan fashin dajin da suka addabi jihar da ma maƙwabtanta, tare da kuɓutar da waɗanda aka yi garkuwa da su.
