sulhu da ƴanbindiga shine zai kawo ƙarshen matsalar tsaro ~ Yariman Bakura

Tsohon gwamman Zamfara Sanata Ahmad Sani Yariman Bakura ya ce zama teburin sulhu da yan bindiga ne hanyar da ta fi dacewa na kawo ƙarshen matsalar tsaron da ta addabi yankin arewa maso yammacin Najeriya.

A cewarsa, irin zama teburin sulhu da gwamnatin tarayya ta yi da yan Neja Delta a kudancin Najeriya, idan aka bi irin tsarin, za a iya shawo kan matsalar tsaron a yankin arewa maso yammaci.

A filinmu na Gane mini Hanya na wannan makon Awwal Ahmad Janyau ya tattauna da tsohon gwamnan na Zamfara kan batutuwa da dama inda ya soma tsokaci kan yadda yake kallon kamun ludayin shugaba Bola Ahmed Tinubu.

BBC