Gabon Ƙasa ce a Nahiyar Afirka wadda ta wayi gari a hannun Sojojin ƙasar. Mal. Usman Mujittaba Shugaban Sashen tsare-tsaren karatu a kwalejin Annur dake Rangaza ƙaramar hukumar Ungogo wanda masani ne a kan al'amuran yau da kullum ya bayyana cewa Dimokaraɗiyya a kowane hali ta cancanta a kowace ƙasa a duniya musamman a Nahiyar Afirka wadda ke ɗauke da ƙasashe masu tasowa musamman a fannin tattalin arziƙi.
Mal. Usman ya ƙara da cewa a mulkin dimokaraɗiyya ne kaɗai ake iya cimma muradan cigaban ƙasa mai ɗorewa kuma babban abun ƙyama a mulkin soja shine babu wani da zai iya fitowa a ƙasa ya faɗi ra'ayi ba baki ko yayi zaben don canza gwamnati.
A ƙarshe Mal. Usman yace Najeriya na cikin yanayin da kowace ƙasa zata so kasancewa a ciki musamman fannin faɗar ra'ayi da kuma canza gwamnati a duk lokacin da Talaka yaso muddin gwamnatin ta kasa cika musu alƙawarin data ɗaukar musu ko kuma ta bullo da sabon lamarin da bai yiwa ƴan ƙasar daɗi ba.
Alh. Usman Mujittaba shugaban sashen tsare-tsaren karatu na kwalejin Annur dake Kano.
