Kotu ta kori karar Dan Jam'iyyar APC tare da cin tararsa Kudi N600,000 ta kuma tabbatar da nasarar Jam'iyyar NNPP a Majalissar Dokokin Kano na Kura/Garun Malam

Kotun sauraren karar zabe ta tabbatar da nasarar Dan Majalissar Dokoki ta Jihar Kano mai wakiltar karamar hukumar Kura/Garun Malam Hon Dr Zakariyya Alhassan na jam'iyyar NNPP.

Wanda Hon Hayatu Musa Dorawar Sallau na jam'iyyar APC ya shigar akan kalubalantar nasarar da hukumar INEC ta tabbatar ga Hon Dr Zakariyya Alhassan, inda yayi zargin cewar abokin hamayyarsa na Jam'iyyar NNPP yayi ingizon kuri'u  hadi da fasa akwatunan zabe a lokacin gudanar da babban zaben daya bawa jam'iyyar NNPP nasara.

Sai dai bayan jin kowanne bangare kotun sauraren karar zabe ta yanke hukunci a wannan rana ta Asabar Talatin Ga Watan Satumbar Shekara Dubu Biyu Da Ashirin Da Uku 20-09-2023, inda kotun ta kori wannan kara haka zalika  taci tarar Hon Hayatu Musa Dorawar Sallau na Jam'iyyar APC mai kara kudi har Naira Dubu Dari Shida N600,000 Kamar yadda lauyan dayake kare wanda ake kara Barr Tajuddeen Shitu ya bayyanawa wakilinm Jamilu Lawan Yakasai bayan kammala yanke hukunci.