Jam'iyyar NNPP Ba ta tattauna da kowacce Jam'iyya ba don yin kawance ko kuma hadaka~Abdulmumini Jibril Kofa

Guda daga cikin jiga-jigan jam'iyyar NNPP kuma mai taimakawa Tsohon Dantakarar Shugabancin kasa a inuwa jam'iyyar a fannin watsa labarai, kuma Dan Majalisar Tarayya na yankin Kiru da Bebeji Hon Abdulmuminu Jibril Kofa, ya bayyana cewar

An jawo hankalinsu a kan wani labari da wasu kafafen yaɗa labarai ke watsawa cewa jam’iyyarsu ta NNPP ta fara tattaunawa da PDP da ma wasu jam’iyyun don yiwuwar haɗewa da su.

Inda yace sam babu ƙamshin gaskiya a wannan labarin, ƙarya ce tsagwaronta. Matsayin NNPP ba ɓoyayye ba ne a kan batun yin alaƙa da wasu jam’iyyu, inda suka ce a shirye muke su yi aiki tare, su yi ƙawance ko ma haɗaka da APC, PDP, LP ko ma kowacce jam’iyya. 

Amma a halin yanzu babu wata tattaunawa da suke yi da kowacce jam’iyya kuma ba mu halarci kowanne irin taro don tattauna yiwuwar yin haɗaka da PDP ko ma kowacce jam’iyya ba. Wannan aikin masu neman tayar da zaune tsaye ne kuma abin da suke ƙoƙarin yi ke nan.

Hon Abdulmumin Jibrin Kofa, PhD 

A madadin: Mambobin (kokas) NNPP na Majalisar Wakilai

08-12-2023