Gidauniyar Garga Foundation ta gudanar da taron bita domin wayar da kan al'umma

Gidauniyar Garga Foundation ta gudanar da taron bita domin wayar da kan al'umma kan abinda ya shafi sanin nauyin hakki da ƴancin bil'adama a fadin Najeriya.

Barista Aisha, ta yi bayani kan mahimmancin kulawa da hakkin ƴaƴa mata da basu duk wata mata da ta kamata domin inganta rayuwar su musanman wajen samun ingantaccen ilimi da kyakkyawar rayuwa.

Kwamaret Kabiru Sa'id Dakata babban darakta na kungiyar CAJA, ya bayyana mahimmancin wayar da kai, domin inganta rayuwar mata, matasa da al'umma baki ɗaya.

Taron bitar ya samu halartar jami'an tsaro daga hukumar ƴansanda, hukumar Hisba, Alkalai, Lauyoyi, ƴanjaridu da sauran ma'aitakatan gwamnati.