Muna kira da babbar Murya Kan Shugaban kasar Najeriya ya tabbatar da cewa rikicin masarautu bai haifar da rashin zaman lafiya a Kano ba ~ Kungiyoyi

Muna kira ga gwamnatin tarayya kan lallai tayi duba na tsanake kan rikincin masarautu a jihar Kano.

Wasu kungiyoyi masu zaman kansu na arewacin najeriya sunyi kira ga gwamnatin tarayya kan ta saka idanu ta tabbatar cewa rikicin masarautu a jihar Kano bai yi sanadiyar rashin zaman lafiya da jihar ke taƙama dashi a faɗin arewacin najeriya ba. Kungiyoyin sun kuma yi kira ga shugaban kasar Najeriya Sanata Bola Ahmad Tinubu kan yasa baki kan rikincin tare da tabbatar da gaskiya a cikin shari'ar da ke gudana tsakanin Sarakunan biyu da ita kanta jihar Kano.

Sanarwar ta fita ne ta bakin shugaban wasu kungiyoyi masu zaman kansu a arewacin najeriya wanda ya nemi ƴan jaridu da su sakaye sunansa, idan ya tattauna da manema labarai tare da jaddada aniyar su ta shiga cikin lamarin rikicin masarautun don tabbatar da an samu zaman lafiya a faɗin jihar Kano da kewaye baki ɗaya.