Yanzu-Yanzu Gwamnatin Kano na shirin rusa gidan Sarki na Nasarawa

Bayan umarnin da gwamnatin jihar ta bayar na fitar da Sarki Aminu Ado Bayero daga gidan Sarauta na Nasarawa ga kwamishinan ƴansanda na jihar Kano ta kuma shirya tsaf domin rushe gidan don yin wasu gyare-gyare a gidan kamar yadda ta ambata.

Jawabin hakan ya fito ne daga bakin kwamishinan ma'aikatar shari'a na jihar Kano, Barista Haruna Isa Dederi, a wani taron manema labarai da ya gudana a daren nan a fadar gwamnatin jihar Kano, kamar yadda wakilin Nasara Radio a fadar gwamnatin Kano, Jabir Ali Danabba, ya rawaito.